生活中不如意事十常八九，每個人都會經歷失意嘅時候，啲人成日都話時間係醫好心病嘅良藥，但係唔係真係得呢種咁被動嘅方法呢?點解我地唔主動岀擊戰勝心魔，一齊健身又健心啦(打到呢度小編忍唔住想笑岀嚟，大家明就明啦)
健身嘅好處:
1.增加活力,改善心情
每星期定期鍛練3日或以上，有助提升20%體能同減低疲勞感，因為健身促進血液循環加快新陳代謝，另外亦會令腦部分泌安茤芬，令人心情舒暢又減壓，腦輕鬆!!!
2 幫助睡眠，提升專注力同記憶力
健身可以提高我地嘅睡眠質素瞓得好啲，美國國家睡眠基金會(National Sleep Foundation)研究表示，無論你係早、午、健身都好，接近70%有健身習慣嘅人士，深夜睡眠品質好過無健身嘅人，瞓得好自然專注力同記憶力都好啲啦，另外有研究顯示有氧運動亦可增加血液中有關記憶嘅荷爾蒙。
3_增加創造力
美國德州大學(The University of Texas )桑達拉‧查普曼(Sandra B. Chapman)博士，發表於衰老前神精研究期刊(Frontiers in Aging Neuroscience)研究證實，在57~75歲的人，於每星期3次，每次一小時，共12星期嘅有氧運動後(慢跑、踩單車)，健身人士嘅大腦血液明顯含氧量變多，於認知同創造測驗表現都比較優異！
4 無咁易病
發表於英國運動醫學雜誌 ( British Journal of Sports Medicine) 研究指出，一星期健身五次以上嘅人，比健身一次或唔健身嘅人，感冒機率少46%，此外經常健身嘅人感冒後症狀發生嘅日數少左41%，症狀嚴重度少左32%~40%，研究人員推測可能是健身有助於提高體內免疫系統！
5 醒目左，人都自信晒
健左身之後，身形改善左，個人靚仔靚女晒，乜野自信都翻晒嚟啦，失戀失敗失意乜都一掃而空，迎接新生啦!!!
健身可以拯救自己人生點解唔做，gogogo!!!!
Burger
Search